Johannesburg - Intombazane eneminyaka emihlanu ishonile ngemuva kokushayiswa imoto elokishini lasePimville eSoweto.
Lengozi yenzeke ngeSonto emini kuMthunduluka Road.
Ngokombiko wamaphoyisa, umshayeli wemoto eshayise ingane wabe esezama ukubaleka ngemuva kwalesi sigameko.
“Umsolwa ubanjwe ngamalungu omphakathi nokuyiwona amuhambise esiteshini samaphoyisa.
“Le ngane iphuthunyiswe esibhedlela iBaragwanath, kepha ngeshwa yashonela khona,” kusho amaphoyisa.
OLUNYE UDABA:Ingane ishayiswe yimoto yashone iya esikoleni
Amaphoyisa adlulise amazwi enduduzo emndenini wale ntombazane aphinde ancoma umphakathi ngesenzo sawo sokubamba umsolwa.
Lo wesilisa uzovela enkantolo kungekudala.
