Uzibulele ujele okusabalale izithombe zakhe eqabulana nesiboshwa

2017-10-17 12:31

Durban - Uzibulele ujele waseLosperfontein Correctional Facility eBrits, eNorth West, okusabalale izithombe zakhe ezinkundleni zokuxhumana eqabulana nesiboshwa.

IDaily Sun ibika ukuthi iziboshwa ngaphakathi kuleli jele zithi bezazi ngokujola kwalaba bobabili ngaphambi kokuthi kuputshuke lezi zithombe.

Ngemuva kokuvela kwalezi zithombe, zibe sezibonwa nangabaphathi bejele nokudale ukuthi lo jele wesifazane agcine esezibulala ngoMsombuluko ekuseni.

Yize abaphathi bejele bengakalikhiphi igama lakhe, iminyaka yakhe yobudala nokuthi ushone kanjani ngenxa yokuthi abakubo bebengakathintwa, kusolakala ukuthi utholakale ezilengisile egumbini lakhe abehlala kulo ngaphakathi eLosperfontein.

OLUNYE UDABA: Uzibulele ujele owaduma ngevideo yocansi nephoyisa

Okhulumela uMnyango wezokuHlunyeleliswa kweziMilo eLimpopo, eMpumalanga naseNorth West, uTshidi Mapole, utshele leli phephandaba ukuthi ubazi ngalezi zithombe.

"Saziswe ngalezi zithombe zikajele nesiboshwa bebambene kwezinye beqabulana satshelwa nokuthi zizungeza ezinkundleni zokuxhumana," esho.

Uthe uMnyango uyazigxeka kakhulu lesi senzo sabo. "Kuthe sisaphenya njengoMnyango sezwa izindaba ezishaqisayo zokuthi umsolwa usezibulele."

Ukhomishana wesifunda uMandla Mkhabela, uzwakalise ukushaqeka nokudumala ngalesi sigameko.

"Sithanda ukudlulisa amazwi enduduzo emndenini nozakwabo bakamufi," esho.

Ijele laseLosperfontein lineziboshwa ezingu-1 000, kuphetha umbiko.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.