Uzobolela ejele olahlwe wuhide lwamacala okudlwengula

2018-03-24 11:12

Durban - ULonwabo Solontsi, 29, ugixabezwe ngesigwebo sokubolela ejele yiNkantolo eNkulu yase-Eastern Cape, eseGrahamstown, ngoLwesihlanu.

USolontsi, obesolwa ngamacala angu-39 okudlwengula namanye okugqekeza ngenhloso yokudlwengula, uchazwe "njengomdlwenguli ongakaze wabonakala" eNingizimu Afrika, kusho okhulumela amaphoyisa uCaptain Mali Govender.

Lesi sigilamkhuba sawavuma amacala okudlwengula abantu besifazane namantombazane abaphakathi kuka-11 no-46 ubudala.

OLUNYE UDABA: Ugwetshwe kanzima ubedlwengula abafana abancane

"Ekuqaleni ijaji belifuna ukumgweba odilikajele abangu-12, obekuzoba yiminyaka engu-706 isihlanganisiwe ebhadla ejele, kepha ngenxa yokuthi uyisigebengu esiyingozi ijaji libe seliguqula umqondo lanquma ukuthi kumele abolele ejele," kusho uGovender.

Okhulumela iNational Prosecuting Authority uTsepo Ndwalaza uthe ukulahlwa ngamacala okudlwengula ngaphambilini kukaSolontsi kube nomthelela ekwehlisweni kwalesi sigwebo.

USolontsi uyoze avele enkantolo ngemuva kweminyaka engu-25 kuzobuyekezwa isigwebo sakhe.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.