‘UZuma uhlela ukubulala labo angavumelani nabo’ – EFF

2017-02-09 07:03

Cape Town – UMengameli wezwe, uJacob Zuma, usethole okukhulu ukugxekwa ngemuva kokuthi egunyaze ukutshalwa kwamasosha angu-441 azosiza amaphoyisa ukugcina “umthetho” uma ethula inkulumo yakhe ayibhekise ezweni, iState of the Nation Address (SONA) ngoLwesine.

Lesi sinyathelo sikaMengameli kubukeka sengathi esehlanga neze kahle kwabamaqembu aphikisayo kanye nezinhlangano ezahlukene zomphakathi.

OLUNYE UDABA: 'Abantu kumele bayeke ukuzonda uMengameli Zuma'

“Siyasigxeka lesi senzo njengokuphakwa kwamasosha kubantu baseNingizimu Afrika. Kumele kubukeke njengokuphakwa kwempi kwizakhamuzi, okusho ukuthi uZuma uhlela ukubulala labo aphikisana naye kuSONA,” kusho okhulumela i-EFF, uMbuyiseni Ndlozi.

UNgqongqoshe wezokuPhepha eWestern Cape, uDan Plato, uchaze lokhu kutshwalwa kwamasosha angaka njengenhlamba kwizakhamizi zakulesi sifundazwe ezihaqwe ubugebengu bezigelekeqe nezihlale zithuka izanya nsuku zonke ngenxa yokwesaba.

Kusenjalo inyunyana yamavikelambuso i-SA National Defence Union (Sandu) ithe ukutshalwa kwamasosha ephalamende akuhambisani noMthethosisekelo.

Ngokusho kukaJeff Dubazana okhulumela le nyunyana, kunenqubo okumele ilandelwe kodwa ayizange ilandelwe.

“Kumele ngabe kukhishwe uphawu olubiza amasosha ngokusemthethweni, lolu phawu luyincwajana enikezwa amasosha uma ebizelwe endaweni ethile. Amasosha awazange ayithole le ncwadi, kodwa atshelwa ngomlolo kuphela,”kusho uDubazana.

 - “Like” ikhasi lethu kuFacebook ukuze uthole izindaba ngolimi lwakho                                

 - Landela IzindabaNews24 kuTwitter     

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.