Wethuse abasekhweni elobola umkakhe okwesibili

2016-09-22 13:39

Durban - Uthuse abasekhweni lakhe uMnu David Ntshangase weBit By Bit Nite Club eseMtubatuba, ogwini olusenyakatho yeKwaZulu-Natal, ozakhele udumo ngokuhlela uzime wendoda embi, njengoba eselobola umkakhe okwesibili ngelobolo eligcwele.

Lesi sinqumo sakhe sibamangalise abasekhweni lakhe okuyimanje basabambe ongezansi. UMnu Ntshangase ushade nowakwakhe, uNkk Siphiwe Ntshangase, uMaKhumalo ngonyaka wezi-2011.

UMaKhumalo ungowaselokishini KwaMsane khona eMtubatuba.

Umnewabo, uMnu Khulekani Khumalo, utshele ILANGA ukuthi mhla zi-28 kuNcwaba (August), uMnu Ntshangase uqoqe umndeni wakubo ethi ucela ukukhuluma nawo.

"Sihlangane naye nabakhongi bakhe sicabanga ukuthi mhlawumbe kukhona osekonakele emzini kodwa sithe uma sizwa inkulumo yokuthi ucela ukuba simnike ithuba lokulobola udadewethu okwesibili, sethuka. Simbuzile ukuthi yake yenzekaphi insumansumane enjena, wasitshela ukuthi injabulo nentokomalo ayithole emuva kokuganwa ngudadewethu kayinasilinganiso, kumele simvumele aphinde alobole," kusho uMnu Khumalo.

Uthi kwale noma sebembuza uMnu Ntshangase nabakhongi bakhe ukuba bafuna babize ilobolo lezinkomo kuphela, wathi ufisa benze sengathi akakaze alotsholwe, kuqalwe phansi yonke into eyenziwa uma kulotsholwa.

"Usinike usuku lomhla zingama-24 kuMandulo (September) athe uzobe eselethe zonke izidingo nezimfuno zethu. Sisamangele namanje, sesiyobona sekwenzeka," kusho yena kuqhilika izihlathi.

Ebuzwa uMnu Ntshangase ngesinqumo sakhe, uthe :"Mina bengicabanga ukuthi ngishade owesifazane oyedwa kodwa kuthe uma esesemagcekeni aseMgazini uMaKhumalo, ngabona ukuthi mubili eyedwa, kuzomele ngilobole nalona omunye onguyena ngendlela anesisindo ngayo nomehluko afike wawenza lapha ekhaya. Yindlela engibonga ngayo."

UMaKhumalo yena uthe: "Ngethuke kwaphela nasozwaneni sengibikelwa ngabasekhaya ukuthi usehambe isinyenyela wayothi ungilobola okwesibili. Kangazi nami ukuthi yini lena engaka engimenzele yona ngoba nami ngifana nabo bonke abanye abantu besifazane.

"Yena ubelokhu esho sakungisongela, ngicabange ukuthi uyancokola uma ethi uzongilobola okwesibili. Bengiye ngicabange ukuthi uchaza ukuthi ufuna ukuthatha udadewethu noma umfazi wesibili, kodwa uma sekwenzeka ngiyamangala."

AbakwaKhumalo bathi noma angalobola enze konke uMnu Ntshangase, kepha ngeke bavume ukuba aphinde ashadelwe noma kukhishwe umakoti ekhaya, kungamane kube wumcimbi abantu bafinye ngendololwane noma bavuselele umshado wabo ngokwesilungu hhayi ngokwesintu ngoba sona kasikuvumi ukuba umuntu akhishwe kabili ekhaya "singaxabana nabadala". 

Isazi samaSiko eNdlunkulu kaZulu, uMnu Buzetsheni Mdletshe, sithi okwenziwe nguMnu Ntshangase kakuphambene nesiko.

"Le nsizwa ikhombisa ukuthi iyasutha futhi uMaKhumalo wayo uyiphakela idle isuthe kayikhali ngalutho. Kuba njalo uma umlobokazi eyiphethe kahle indoda yakhe futhi eziphethe kahle naye.

"Indoda imlobola ize iyoshona ikhombisa intokozo engenamkhawulo. Ukube ngabasekhweni lakhe abamfuna ilobolo lesibili, ngabe kuphambene nesiko lokho. Okumele bakuqaphele wukuthi uma eseqede ukulobola okwesibili, bazenzele idili kodwa angakhishwa okwesibili ekhaya umakoti," kusho uMnu Mdletshe othi sengathi intsha yanamuhla ingathatha isibonelo kuMaKhumalo, izithobe ilawuleke ibahloniphe abayeni bayo.

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

AB praises selfless skipper

2010-11-21 18:15

Inside News24

 
/News
 

Share your 67 minutes with animals in need this Mandela Day

With an abundance of activities to get involved in, why not lend a hand towards animals in need this Mandela day? Here are some ideas of how you can spend your 67 minutes...

 

Paws

Kevin Anderson’s dog is winning at Instagram!
Kim Kardashian-West buys fake testicles to boost her dog’s self-esteem
10 tips on exercising your dog
Our top picks for doggo post of the week
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.