Zimkhalele osolwa ngokudlwengula izitshudeni ezimbili enyuvesi

2017-10-05 07:01

Port Elizabeth – Kuboshwe umsolwa oneminyaka engu-29 ubudala mayelana nesigameko sokudlwengula nokushaywa kwezitshudeni ezimbili eNelson Mandela University ngoMsombuluko ebusuku.

Okhulumela amaphoyisa uColonel Priscilla Naidu uthe le ndoda iboshwe kuGovan Mbeki Avenue ngabo-15:00 ngoLwesithathu.

UNaidu uthe amaphoyisa ophiko lweFamily Violence, Child Protection and Sexual Offences abesebenza ngokuzikhandla kusukela kwenzeka lesi sigameko, kanti abelandela imikhondo okuyiyo eholele ekuboshweni kwale ndoda.

OLUNYE UDABA: Kuboshwe owayenguthishanhloko ngelokudlwengula umfundi

Amakhamera e-CCTV aqopha i-video ebizungeza ezinkundleni zokuxhumana itshengisa owesilisa egqoke ijakhethi e-orange nogawini okhanyayo. Kwesinye isithombe ubonakala sengathi ufasa izinkinobho zebhulukwe, kuthi kwesinye ubonakala ephuma e-computer lab, evula isicabha egqoke amagilavu.

“Lolu phiko lusizwa amaphoyisa asemoyeni, abophe umsolwa kuGovan Mbeki Avenue, ephethe i-computer eyebiwe kanye nomakhalekhukhwini wesisulu," esho.

UNaidu uqhube ngokuthi le ndoda kusolakala ukuthi ibesendleleni iyodayisa le computer ngesikhathi ikhalelwa ngamasongo kaSigonyela.

Lo msolwa kulindeleke ukuba avele enkantolo ngoLwesihlanu ngecala lokudlwengula nokushaya ngenhloso yokulimaza.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.